姜濤成為「我最喜愛的男歌手」後繼續做其「疫市奇葩」，昨晚做直播賺錢。相隔兩年與梁業（肥仔）以「特務肥姜」再度合體，二人以全黑色的黑超特警造型、行catwalk出場，扮晒型仔，不過姜濤自己都忍不到笑。

兩人做口腔測試前，肥仔突然狂叫姜濤湊近，接近親密距離之際，姜濤即問肥仔：「你想點呀？」肥仔笑指：「近期興玩BL，想試吓啫！」姜濤秒速拒絕：「係都唔係同你！」令轉數極快的肥仔都來不及反擊。