無綫導演Eddie在社交網爆料指TVBI前經理Simon，自2009年開始，12年來先後向他借錢共13萬，至今仍未還錢已報案，並呼籲其他受害人報警。Simon以疫情沒有工作，要照顧身體不好的媽媽等財困原因周圍借錢，台前幕後工作人員都有人中招，先後向林夏薇、唐詩詠、陳敏之、莊思明、黃祥興等借錢，其中林夏薇借了5千元給Simon被走數外，最新得知林盛斌（Bob）先後3次共借出數萬元；還有劉思希及陸詩韻也收過Simon的借錢短訊。

Bob透過短訊回覆：「之前喺TVB見到都會傾吓偈，佢冇做之後，都有短訊聯絡。第一次借錢係上年一月，隔咗冇耐就再問第二次，之後三月再問多一次，總數係幾萬蚊。佢都有講過點樣還錢嘅，但係就從來冇兌現過，既然已經有人報咗警，咁就希望佢會自動自覺，還返啲錢畀所有借過錢畀佢嘅人。」