有中學生發文，因學業壓力太大，從第一組別名校轉到第三組別學校，雖然學習氣氛沒有那麼好，但心境反而輕鬆了，指「我覺得Band 3根本唔係出面啲人講到咁差，入面啲老師其實好用心教」。

女學生透露，曾經就讀油尖旺一間Band 1中學2年，當時因為受不住壓力轉校，當年全級名次跌一兩名已經感到壓力，「每晚都瞓得唔好，每日放學後就係補課，我本身唔係志在做醫生、律師，想畢業之後做設計，所以同老竇老媽傾過之後俾我轉校，佢哋得我一粒女，都唔想壓力太大搞到有咩病」。

轉校後她形容，「但係我覺得Band 3根本唔係出面啲人講到咁差，入面啲老師其實好用心教，見你有心求學已經如獲至寶咁，夜晚任何時候都會覆你問題」。她舉例，「試過有老師教我哋做功課，教到11點先同我哋一齊走；我仲記得以前Band 1學校啲老師勁功利，見你成績有潛質先會花時間喺你身上，又或者用好多時間帶課外活動，再唔係一放學就走人，仲早過啲學生走」

她直言，轉校後學習氣氛一定無Band 1學校好，「有一半同學唔係讀書，好Hea比較懶，可能同出身都有關係，好多同學都係屋企窮、單親、新移民，或者係超齡學童」，但她相信成績還是要看自身有否努力，根基打得好不好，好的話去哪裡都會好。如果有恆心不斷操練試卷不相信會低分。「依家我都讀得幾開心，空間多咗，都無以前咁大壓力」

其他網民留言，「我以前就係係band1學校讀到病咗，之後先轉去band3讀，但都轉得遲，因為個病都要中途退學。但係band3學校讀段時時係開心好多。冇女校嗰種小圈子，啲同學勁nice。又冇咁大讀書壓力。」、「根本名校主要只力捧既學生只係5** 果堆，其他自生自滅， 差學校都有好老師架」、「Band3開心好多 唔通你讀完band1能夠保證自己以後一定成功？」也有人認為，「你太極端，根本唔需要轉去band3，轉去band2已經可以輕鬆啲。」