TVB新劇《堅離地愛堅離地》踏入結局周，男女主角龔嘉欣與張振朗今日進行宣傳活動，二人同樣係今年台慶頒獎禮做大贏家，嘉欣感激當晚契媽煮羊腩煲等她回家慶祝，稍後會與好姊妹陳凱琳慶祝，她透露新居已預留位置安放獎座，笑說：「當年嘅女配角獎會放返低少少，今年拎嘅『馬來西亞最喜愛TVB女主角』及『最受歡迎電視女角色』兩個獎放喺第二層，最高位置暫時空置，希望畀自己一個目標。」身旁的振朗搞笑問她是否想拎「終身成就獎」？

龔嘉欣和羅天宇為劇集《香港愛情故事》合唱插曲《逆流直上》，日前在《勁歌》總選獲頒「最佳合唱歌曲獎」金獎，嘉欣希望有機會唱插曲及主題曲，可惜《堅》劇主題畀曲交了給振朗唱，振朗笑言：「我唱完之後兩年都冇歌唱啦！呢首係絕唱！」