蔡思貝入住西貢獨立屋，揹名牌限量包包相當富貴。
蔡思貝拍完金飾廣告後認識咗富貴廣告商Sam。
蔡思貝手執呢個矜貴包包，真係有錢都買唔到。
蔡思貝過住優質生活，得閒同老友陳瀅出海。
蔡思貝今時今日真係好食好住。
廣告商Sam係人夫兼傳有同居女友羅彩玲。
蔡思貝「升呢」視后名利雙收。
胡鴻鈞已「降呢」思貝唔同範疇嘅朋友。
有指貴為金飾商老闆的Sam身家雄厚，他在社交網不時都會炫富，名貴跑車不在講，更豪晒大箱現金，蔡思貝搭上他之後，不但揹限量版名牌包包，今期《東周刊》亦爆她「升呢」由北角舊居搬往西貢匡湖居獨立屋居住，甚至TVB台慶頒獎禮獎座，都係由Sam金飾品牌贊助，加上喺TVB落大量廣告為TVB帶嚟唔少盈利，作為該金飾品牌代言人嘅蔡思貝自然手執半個視后杯耳，成功撼嬴龔嘉欣，背後金主居功不少。
2019年底蔡思貝被爆與胡鴻鈞(Hubert)暗撻，仲借埋胡鴻鈞胞姐胡嘉雯嘅「波子」嚟代歩，親蜜關係不言而喻，不過，隨住思貝喺台慶頒獎禮將胡鴻鈞由「好友」降呢到唔同範疇嘅「朋友」後，Hubert 坦承蔡思貝近期冇再向姊姊借車。至於蔡思貝就忽然富貴解畫：「之前報道話我借胡鴻鈞家姐嘅車，Sam哥睇到後就問我需唔需要相熟司機嘅聯絡電話？咁樣出入去做嘢會方便一啲，所以我去做嘢就會聯絡呢位司機，但每次都有計番錢畀佢，所以冇乜特別。」
