鄭中基話唔想抹殺姜濤努力，唔會同他爭攞「叱咤」獎。
鄭中基及強尼戲裏戲外都係暖男爸爸。
21歲的姜濤破《叱咤樂壇頒獎禮》歷史成為最年輕「叱咤樂壇我最喜愛的男歌手」。
鄭中基仲有好多樂迷支持，所以唔會放棄唱歌。
鄭中基婚後變成暖男爸爸，一家四口相當溫馨。
以前係「無賴」嘅鄭中基已變身湊仔公。
鄭中基老婆太忙，兩公婆未得閒再造人。
Previous Next
鄭中基（Ronald）及強尼今日以《暖男爸爸》拍檔出席保險活動，問到為何缺席元旦日舉行的《叱咤頒獎禮》？Ronald笑說：「唔使啦，樂壇應該畀後生仔多啲鼓勵，況且去到又冇認識嘅人，冇陪我傾偈，但我有睇電視。」對於網友認為他比「人氣王」姜濤合資格拎獎？他卻否定說：「唔會啦！人家努力出唱片，我只得一首歌，我唔好意思拎啦，唔好抹煞人哋嘅努力。」

Ronald又透露最近處境「嚴峻」，皆因兩名子女已近一年沒返學，女兒又要考試，小四的課題已勁難，加上老婆報讀兒童心理學課程，跟女兒同日考試，喺咁忙碌下冇暇追多個。強尼表示兒子跟Ronald女兒同齡，最近沉迷打機，早前帳戶被盜即喊晒口；Ronald亦爆女兒同樣有慘痛經歷，見她爆喊時還以為她受傷了！