馮盈盈被爆蜜會「新歡」地產界才俊曹展康 。盈盈趁錄影空檔緊張地咁睇訊息，而著名玄學大師陳定幫支持她多認識新朋友。
狀態大勇
馮盈盈同「新歡」Bobby歎完米芝蓮高級意大利菜後，似蜜運中咁滋潤，狀態大勇。
猛撳手機
錄影空檔期間，盈盈猛撳手機，唔知係咪有重要訊息呢？
幫Bob抹粉
馮盈盈係醒目女，見坐喺隔離嘅阿Bob額頭粉底唔均勻，她主動出手相助，Bob爺都好受落。
猛料「新歡」
FYY「新歡」曹展康（左一）深得身家雄厚嘅「舖王」姊夫梁紹鴻（左二）器重，經常一齊出席地產活動。
定幫加持
陳定幫教盈盈今年盡量同朋友見吓面，因為她多貴人，全部貴人星都係因為鍾意她，先會嚟幫她。
再度發育
馮盈盈26歲，身高1米65，當年參選港姐時三圍報稱為31A、22、33.5，不過𠵱家上圍好似第二度發育。
海景豪宅
盈盈以月租四萬租住將軍澳海景豪宅，過住小富婆生活。
香艷出浴
馮盈盈好進取，做YouTuber時第一條放嘅就係出浴片，仲叫人「撳鐘仔」，網民狂Like。
狠撇「前度」
馮盈盈被爆約會「新歡」地產界才俊Bobby，與緋聞「前度」鄭衍峰於活動上碰頭，合照時男方勁尷尬。
舊愛結婚
2019年底馮盈盈宣布同醫生男友鍾浩文(Martin)分手，Martin火速搵到五官標緻真命女友，去年底更成家立室。
擘面互寸
去年富二代船P羅生門事件，傳馮盈盈同江嘉敏擘面，𠵱家兩人不時互寸，馮盈盈暗諷雙面人會自食惡果；江嘉敏26歲生日願望要帶眼識人。
富貴包包
馮盈盈手持嘅拼色Hermès Kelly Bag要專屬會員先可以訂製，叫價20萬，有錢都買唔到。
助手照顧
馮盈盈揸靚車出入，仲請埋小助手貼身照顧，好有姐仔風範。
