爺媳關係一向唔簡單，有為人新抱的網民在討論區發文訴苦，指老爺被屯門公園「大媽」騙財後搬入同住，對其起居生活種種惡行難以忍受，狂數老爺6大惡行，大嘆「我就嚟癲」，問網友可以點樣解決。

女網民力數老爺的6大罪狀，指老爺平日好嘥電，房內電視長開不特止，夏天長開冷氣、冬天暖氣都要長開；洗衫時候爆蒜頭，搞到完的衫都一陣味：隨意丟掉她的護膚品；又會睇AV兼講同佢講不文說話，仲要唔衛生「唔沖涼、唔洗頭、唔刷牙，成間房一陣臭味。」

女網民指其老爺已經70歲，奶奶話佢後生時高大英俊，但從40歲開始就毫不注意個人衛生。直至10年前佢兩個女已經趕佢走，早前仲被屯門公園「大媽」騙錢，之後搬入同住，但又無力給錢老爺著他搬走，遂向網民徵詢意見。多數人認為要強硬起來，送走老爺，亦有人認為可以再慢慢勸導佢：「同老公講2選1
lor，企硬趕走佢，仲要人教？」、「你叫佢改下壞習慣，我成日叫阿媽改，佢有改㗎。」、「送他去老人院」。

對於有網友形容自討苦吃，樓主就似乎對老爺仍有一念之仁：「你另一伴(半)、屋企人有事，你都會幫喇。除非你唔係人。」不過，仍有網民認為幫都有限度：「幫人有底線，唔通相處唔到，係要搞到互相仇恨，死不相見，無灣(彎)轉先得？」