有女網民在「香港討論區」發文，抱怨一名男性友人首次約會只是去茶餐廳食西多士、點奶茶，認為男方寒酸。

發文者稱，跟男方都是朋友介紹，只知他任職會計，拍過兩次拖，無不良嗜好，聽聞以往對女友好好、好大方，又請去日韓旅行，不是斤斤計較的人。朋友見兩人單身，才介紹互相認識。發文者質疑，男方並非低收入人士，第一次約食飯是去茶餐廳，只叫西多士、奶茶，「連鐵板燒都無，妳點睇？代表甚麼？不重視妳？」

發文者又指，「無話一定要去酒店食貴貴，一般食開嗰啲都可接受」，又舉例一些人均消費200至400元日本菜餐廳、意大利菜餐廳、酒吧，甚至人均800元以上的米芝蓮餐廳等，「都OK吖」。

她又批評，「咁都無理由去茶記只叫西多+奶茶，會唔會好寒酸呢？就算請普通朋友都唔會咁無體面啦。咁即係佢純粹當我普通朋友攝時間？」，又指「朋友們問我這男仔約妳出街去哪兒食，她們基本上一致都給他負評。」