食飽的Eason坐喺街邊同師兄吹水狂笑。
Eason被女粉絲挨落膊Selfie都唔介意。
Eason食食吓被食客及途人認出兼索合照。
行去買Cake時，Eason再被隔離舖店員野生捕獲。
埋單後，Eason到附近Cake shop買西餅。
聽到綠衫大媽叫唱歌，Eason大笑兩聲便上車離開。
Eason下午約師兄到大坑炳記茶檔食Lunch。
Previous Next
疫情致停工近1年的陳奕迅（Eason）去年自爆幾乎零收入，即使早排出新歌，他亦冇機會喺公開場合做宣傳，只能長期Stay home抗疫。今日（3日）下午2點半，《頭條日報》記者撞到Eason同劉浩龍（師兄）喺大坑炳記茶檔食Lunch，二人甫坐低便迅速叫了麵及奶茶。食飽後，一向有「吹神」之稱的Eason，同師兄繼續坐喺大街密密斟，前者仲不時笑到瞇晒眼、拗晒腰，心情靚爆！逗留約半小時，準備離開的兩人被不少食客及途人認出兼索合照，雖然疫情嚴峻，但Eason都冇托手掙，即時戴番個口罩同粉絲「零距離」自拍。