83歲的余慕蓮（魚毛）去年底因肺纖維化，往伊利沙伯醫院ICU接受治療，有傳她疑患上血癌，病情曾一度惡化，醫生為她插喉、打強心針用呼吸機幫助呼吸。幸而魚毛病情慢慢好轉，已由ICU轉往普通病房，並於聖誕節轉往九龍醫院接受治療。魚毛現時仍留醫休養，未能自行進食，要插喉管輸入流質食物。
魚毛不時與好友視像，向來十分關心魚毛的鄧達智表示：「由魚毛最初講唔到嘢，到講到嘢我都一直有同佢視像。佢最初講唔到好傷心激動，喊晒，我安慰叫佢唔好喊，唔好激動。佢當然想快啲出院，情況已經有好轉，但都要佢食到嘢先可以快啲出院。佢現時只可以有限嘅活動，但精神OK，慢慢說話，說話都清晰。」魚毛亦向好友林建明（大姐明）訴苦，通話中魚毛爆喊話留院幾個月，很悶又食不到想死，大姐明安慰對方要堅強，快點出來過農曆新年。