張繼聰早前離港個半月到澳門拍攝電影，煞科後回港的他即刻去剪新髮型過年，又跑步喼弗。原來阿聰還相約好友白只相聚，謝安琪（Kay）昨夜貼上二人「斷正」約會照，留言：「個人返咗嚟 個心喺邊度 #挑釁的眼神」。
個人同個心當然是指老公張繼聰，挑釁眼神則是照片中回眸的白只！阿聰不忘留言讚「金像獎得主唔係浪得虛名」。網民以「情敵」、「小三」形容白只，笑說「呢隻電燈膽watt數好大」，Kay笑回：「係咪同身形成正比」；又有問她「都咁多年啦，仲唔慣咩」？Kay回覆：「我先至係遲來的」。當網民讚她「影得好好」，她回：「影到佢好重內心戲」。