買樓是不少情侶之間的話題，希望有日拉埋天窗後可以有一個屬於二人的家。不過一名38歲港女表示，剛與40歲的男友拍拖一個月，對方月入3.7萬，考慮買樓，但又不夠錢支付全數首期，又未能通過供樓壓力測試，因此常有意無意邀請她作擔保人。港女感到左右為難、非常猶豫，遂上網詢問一眾網民。

有女網民在網上討論區「香港討論區」發文，指自己現年38歲，剛與40歲的男友拍拖一個月，對方近日經常透露想買樓，但月入3.7萬的他不夠錢付全數首期，亦未能通過供樓壓力測試，其的父母亦已年屆70多歲和69歲，目前已退休。男友基於以上種種原因，便邀請樓主做他的擔保人，但強調供樓款項由他一人負責。樓主聞言後當場拒絕，並向對方坦言：「呢啲事我會結婚後先會，現在只是情侶關係。」

不過，男友並無死心，近日頻頻帶樓主四出睇樓，包括私樓及居屋等，又不停詢問樓主想住哪一區、有關家居布置及裝修的意見，希望她能參與其中，又有意無意地提及「如果父母真係幫唔到餘下首期，到時按揭要搵你做擔保」，而樓主每次聽到，都會重申「我唔做擔保」。

樓主表示，清楚知道自己「咩身份」，故未有表達太多個人想法，但結果卻引起對方不滿，「他對我的說話就會開始麻麻，好似係我唔幫他一樣......」。樓主亦向男友表明，自己會以結婚和生小孩為前題，提議二人先租樓居住，但對方聽後就指「想自己有一個家」，堅稱自己有能力買樓，「只係差少少首期同擔保人」，又指不希望她太遲生育，「我唔想你再遲生，不（畢）景（竟）你年齡不小，身體難恢復...」，令事主有所猶豫，「聽到他說這些說話，我又覺得好Warm，但係又感覺不是味兒，我地（哋）應該買樓定先租屋？」

另外，事主又透露，男友不論是之前相親還是現在拍拖，都會在背囊內自備安全套，「他覺得同我拍拖，一拍拖就可以發生關係咁」，甚至稱因為疫情「酒店好便宜」，令她對這段關係有所顧慮，並為此徵詢網民意見：「我知道大家成年人，男人有需要係正常，不過係咪會好似佢咁？」

不少網民看後都感到「伏味濃」，建議樓主「即走」，「識咗一個月咁快講買樓，需（雖）然唔係小朋友但係亦都唔駛咁急.......有問題！」、「想提提你，近年既離婚原因，已經唔係單單因為第三者，正正係女既不斷金錢支援，做擔保人，男既繼續扮窮」、「絕對係洞，唔走預左揹數」、「講到底，妳同佢仲未穩定，根本唔適合咁快有錢銀瓜葛，仲要係咁大條數」、「你們之間太多問題，不是真正適合永遠一起的partner」。