姜濤、AL、Jer和Edan親自創作揮春向《頭條日報》讀者送上祝福。
AL對寫揮春最有信心，原來他書法比賽攞過獎，更即場教兄弟正確揸毛筆姿勢。
見AL毛筆寫得咁靚，搞到姜濤心郁郁想叫他出貓寫，不過由於全程拍住唔夠膽，加上比賽要在3分鐘內寫完揮春，AL一句「出貓都要搞掂自己先啦！」令姜B冇癮放棄！
姜濤的自創揮春「桃花旺旺」，畫了個桃、花及狗仔，需要豐富聯想力，大家最初睇唔明。
因姜濤將自己一票投了AL，結果揮春創作大賽由AL勝出。
AL和Edan最近跟黃德斌合拍港版《大叔的愛》，成為熱話。
姜濤、AL和Jer今年樂壇頒獎禮都有好成績。
繼大受歡迎的劇集《男排女將》，四子都話好想今年能齊腳演戲。
姜濤去年在台灣拍偶像劇《超感應學園》，令他愛上拍劇。
