陳柏宇（Jason）與「Indie界一姐」Serrini早前首度合唱歌曲《網絡安全隱患》，在拍攝MV期間，估唔到走有型感性情歌路線的Jason同調皮搞鬼的Serrini超有默契，Serrini仲話發現對方原來是冷面笑匠，她笑道：「我哋可組成組合『茵宇のSing』，日後再次合作，仲可一齊創作兒歌，送畀Jason囡囡Abigail。」聽罷Jason表示Abigail最愛跳舞及愛跟歌詞內容做動作，Serrini即認真道：「例如：記住急就要去廁所？」Jason想不到Serrini咁有諗頭，也不禁大讚：「Very Nice!」並忽發奇想，指假如女兒像Serrini一樣咁多鬼主意就很好，Jason說：「創意係冇得學，所以天生有係好事。我個女已經好有創意，尤其是要求你畀嘢佢時，佢嘅創意係會無限發揮。」