結婚7年多的陳茵媺（Aimee）和陳豪（阿Mo）是圈中公認的模範夫妻，愛錫小朋友的阿Mo一唔使開工就會陪老婆同仔女，可謂絕世好男人。今日年三十，一班人妻都忙於準備年夜飯，靚太Aimee亦唔少例外，不過下午她居然仍有空歎杯咖啡兼Update吓IG，她寫道：「Mid CNY cooking coffee break. Only bc my one and only just got home from work to make some! #cny2021 #cookingwithaimee」隨後又上載老公單手拋鑊片，她續道：「My baby is back! And I can rest... A teeny tiny bit. #cookinghusband #hotness #puttingmusclestogooduse」原來阿Mo一收工就返屋企幫手煮飯，等Aimee可以趁機歎啡唞一唞，值得一提的是，片中阿Mo喺屋企都長期戴住口罩，以保護妻兒健康，真係唔話得！