杏兒現懷孕約7個月。
Brendan大個仔，仲有份上香拜神！
Phil話要將客家的傳統新年習俗一代傳一代。
穿唐裝的Brendan和Ryan拖實爹哋，好乖仔。
杏兒兩個囝囝好可愛。
Brendan睇到魚魚好開心。
杏兒都有送上新年祝福。
Phil昨日湊住兩個囝囝Brendan和Ryan返沙頭角圍村。
其間父子合力大掃除及黐門神、對聯、揮春等。
杏兒年三十晚獲邀為內地央視春晚表演，所以未能回港跟家人食團年飯。
杏兒佗B北上為春晚表演，老公就獨力湊仔返圍村過年。
Previous Next
早前宣布懷第三胎的胡杏兒獲邀為內地央視春晚表演，正身處北京的她昨晚年三十也未能跟家人食團年飯，老公李乘德（Phil）惟有獨力湊住3歲大仔李奕霆（Brendan）和1歲半細仔李奕霖（Ryan），返沙頭角圍村大掃除及黐門神、對聯、揮春等，Phil指今年兩個囝囝都大個仔，終於可以參與一些傳統儀式，又表示會將這些客家習俗一代傳一代，並以英文留言透露：「Brendan仲識講少少客家話，令啲村民好驚喜好開心，我諗佢都樂在其中。」相中，見Brendan和Ryan着晒唐裝拖實爹哋，Brendan仲有份上香拜神，真係大個仔喇！而杏兒昨今就分別於IG貼出自己的獨照，以及一對寶貝仔穿上紅噹噹長衫、戴Bob帽照，向一眾粉絲拜年，她寫道：「祝福大家，新年快樂身體健康萬事如意心想事成！！」