一代性感女神邱淑貞有個餅印女沈月，樣靚身材正的她堪稱「最索星二代」，所以年紀輕輕就為老竇沈嘉偉代理嘅潮牌做生招牌，仲成日喺IG開心Share靚相。繼去年萬聖節化身電競遊戲《英雄聯盟》角色九尾狐「阿璃」後，來到農曆新年，昨晚沈月又上載了一輯「花樣年華」懷舊Feel的旗袍照應吓節，她先以多國語言祝大家新年快樂、恭喜發財，後再留言：「祝春節快樂，花樣年華。」值得一提的是，沈月透露呢輯相是由媽咪邱淑貞親自操刀，估唔到攝影技術都咁有水準！相中，穿上紅白花花短袖旗袍的她，瞓喺沙發上擺出多個嫵媚Pose，貼身剪裁凸顯出其玲瓏浮凸的身形外，更晒出一雙白滑長腿，成功吸引過萬Like！