上月正式出任TVB副總經理兼行政委員會特別顧問的曾志偉，今日首度以高層身份出席TVB新春節目，在派利是期間他更被一眾藝員包圍，場面墟冚！受訪時，志偉笑言感覺恍如新人，近廿年都在拉斯維加斯過年，鮮有在港，他笑道：「之前年年出去賺錢，今年出嚟派錢，我耐冇返香港，連香港冇晚飯食都唔知呀！」並謂不習慣穿西廠返廠，且不是跟汪明荃（阿姐）及胡楓（修哥）一齊主持，感覺陌生，還笑稱想跳埋去齊齊做司儀，他續道：「今日唔記得帶辦公室鎖匙而摸門釘，又睇錯鐘而最早返到公司，而家我對同事飲茶嘅口味瞭若指掌，以後我會包起茶水部！」