一名媽媽於日前在網上討論區發帖抱怨，指農曆新年邀請親戚回家團聚，但是要求他們入屋換衫，藉此減少染疫機會，避免成為「拜年群組」，竟被親戚嘲諷「無知」，令她感到非常委屈。網民意見兩極，贊成者支持樓主做法，反對者則認為安排失禮。

樓主在帖文中表示家中有一歲BB同老人家，疫情爆發後「一返屋企會入屋就換衫」，就連親戚探訪也會預先通知他們換衫，同時「盡量避免太多探訪」。「最近因新年順從老公意思，喺家中作客。老公叫至親食飯，亦預先提醒至親帶衫換，但就俾某一位至親話無知。」

網民紛紛留言，但是意見兩極，支持樓主的人表示這是「最好的方法」、「我都要求親戚去我屋企就一定要換衫，無帶我會借俾佢換」。

可是更多網民批評樓主的安排失禮，並指「咁緊張就唔好請人返屋企啦」、「除鞋洗手就夠」、「其實一齊食飯噴口水先至高危，換唔換衫反而係其次」、「因為除口罩食飯已避唔到，做多左，好肉酸」，有人甚至留言諷刺：「其實應該沖埋涼洗埋頭先叫清潔」、「應該叫親戚比埋陰性檢測報告，不過無用喎，你點知佢哋檢測後果段時間有無中招」。