任賢齊難得今年在香港過年，相約梁漢文一齊拍賀歲搞笑短片，小齊的招牌半鹹淡廣東話亂噏一通非常搞笑！
小齊為遷就小朋友返學留港過年，可惜今年因疫情影響新年氣氛大減，他只相約少數朋友拜年，約埋梁漢文同大家賀歲。梁漢文收到「敲」得出聲的利是就笑言：「老闆點會出手咁低？」
梁漢文今年過年後也要到內地開工，同時間要籌備內地巡迴音樂會和開拍電影。上次他返內地隔離14日，他聽聞隔離期延長至21日，直言想起都覺得痛苦，唯有開開心心過完年再算。小齊更即興寫新年歌在網上送祝福給歌迷，更揸開篷車兜勻香港屋企附近拍攝行大運MV。