每逢農曆新年，相信每個打工仔最期待就是「收爐」，可以於假期稍作休息，而今年大部分人於年初五便「啟市」。不過佐敦南區議員陳梓維，年廿九在網上貼出收爐啟事，指其議員辦事處在「年十八」才會再對外開放，指如有急事亦可致電約見。

盧駿屈指一算，即是三月一日才重開。貼文引起網民譁然，有人留言批評：「真係世紀筍工，下次不如索性寫年廿八，放到去下年。」亦有網民指：「元宵後已非新正頭啦。」

陳梓維的「對家」、民建聯副秘書長葉傲冬，昨日年初四即落區向街坊拜年，並在網上發文稱自己「唔會放到年十八」。民建聯副主席張國鈞亦嘲笑：「佢唔出post有邊個會知佢放假放到三月，其實唔好話放到正月十八，佢由年頭放到年尾都得呀。」

未知是否見勢色不對，陳梓維昨日即修改有關帖文，稱只是詞彙「用得不正確」，辦事處開放前並非不工作。

他指自己批准助理放假至三月，亦可以選擇提前上班或在家工作，笑言如果仍有不明白，歡迎預約時間，上其辦事處聽他慢慢解釋喎！

維港會