銀行入錯數比人時有所聞，但好似花旗銀行擺烏龍入錯九億美元咁大條數就真係聞所未聞。話說去年八月，花旗紐約貸款部，原本計畫替露華濃（Revlon）向債權人償還大約七百八十萬美元利息，點知搞錯還咗九億美元債。部分露華濃債權人都好有人情味，應花旗要求歸還款項，但有十個債權人，包括Brigade Capital Management、HPS Investment Partners及Symphony Asset Management等對沖基金和資產管理公司就懶理，一於袋袋平安，累到花旗唔見約五億美元，花旗唯有控告佢哋。

不過，根據美國法院最新的裁決，債權人有權保留呢筆合共約五億美元的烏龍錢，毋須歸還花旗。花旗梗係不滿裁決喇，其發言人已表明會提出上訴，誓要追回全部款項。