適逢元宵佳節（26日），相愛超過廿載的黃貫中（Paul）和朱茵，日前合體挑戰「愛情五秒定律」，當問到被老婆激嬲的3個原因時，Paul即「機關槍式」搞笑道：「天氣凍着唔夠衫、肚餓又唔食嘢、亂放雜物、唔願起身、遲到⋯⋯咦，原來可以講到咁多。」語畢朱茵笑稱要罰對方頂痰罐，場面爆笑！隨後，問到太太身上3個最大的地方？朱茵一向以身材豐滿見稱，惟Paul沒有講出對方的「D Cup上圍」，反而說是「眼大、嘴大和志氣大」，𠱁得愛妻全程笑不攏嘴。