環球唱片新人趙浚承(Gary)推出首作《My World》，為配合歌曲中的甜蜜暖意，《My World》MV邀請到「女神」陳欣妍Shirley參演，分別上演英雄救美、熱戀同居生活、難離難捨的街頭分手、宅男與虛擬女神及現實情侶日常。

在英雄救美的場境中，Gary帥氣登場力戰脅持Shirley的歹徙，最後chok住抱起「女神」離開現場。Gary笑言：「抱住Shirley嗰陣隻手震晒，佢仲暗地裏叫我唔好震。」另外，Gary拍攝這場打戲時不慎受傷，原本膝頭已結痂的傷口裂開，但他卻反而擔心弄污戲服。

導演劉翁(Sunny)笑言自己喜歡為靚仔靚女安排有趣的造型，所以設計了一幕老夫老妻在家煲劇場口。Gary化身有大肚腩的愛妻號，而Shirley則變成滿頭髮夾的包租婆，演繹真實情侶在家中平淡生活中的小確幸。Gary表示這次他初嚐大肚腩滋味，笑言：「由細到大都未感受過，有個肚腩原來係咁嘅，去廁所發覺真係會『搵唔到』，要烏前個身先搵得返！」而Shirley則大讚Gary有風度：「佢真係好genteleman，有幾幕我要不停咁踢佢，原來我都幾大力。」