疫情下部分市民選擇在香港酒店「宅度假」，但有女網民發文抱怨，指酒店職員因為房客並非住宿期間過生日而拒絕贈送蛋糕，惹來網民爭議。

女網民在「香港 Staycation 酒店交流谷」發文，指早前經旅遊產品平台預定一間尖沙嘴的酒店，為男友慶祝生日。女網民解釋，男友的生日是星期一，但為免影響平日上班，所以提早2日在星期六入住酒店。

女網民指，原本訂票平台的套票介紹生日會送蛋糕，但訂購之後酒店方面稱「你男朋友住嗰日唔係生日正日，只要差一日，我哋都唔會送任何野畀你。」女網民於是再問，指套票包含客房送餐，問酒店可否在甜品上加上一個「Happy Birthday 牌」，但酒店堅持「唔會有㗎。我哋唔會有嘢 Offer 同幫到你。」

女網民抱怨，「都係想慶祝生日，而家搞到咁唔開心。」發文者其後引述平台回覆，指酒店有規矩列明只提供免費蛋糕予入住期間生日的住客，意味提早或補祝生日的住客，皆無法享用免費蛋糕。

有網民斥酒店職員處事無禮貌，欠缺人情味，質疑「一個蛋糕有幾貴」。有網民認為發文者本身不符合資格獲取生日招待，酒店職員只是公事公辦，「畀你係人情，唔畀你係道理」。亦有網民提醒，預訂酒店一定要仔細了解清楚條款。