韓國女歌手IU將於本月推出新專輯《BYLAC》，雖然專輯進入最後階段，不過佢依然百足咁多爪，今日就上載為其代言首飾品牌拍攝時的花絮照。IU着上白色兩件頭套裝，露出小蠻腰相當有夏日氣息，更十分少有地紮起低馬尾！即使只係素色衫加粉紅色背景，IU靚樣都好鮮明突出，定睛望實鏡頭的她更輕鬆電暈一眾Fans，照片上載3小時已有超過168萬個Like！只見一班Fans留言讚她是「女神」、「公主」，更有韓國網民表示「IU係我嘅國家」，呢啲咪係真愛國囉。