ERROR四缺一現身《Chill Club推介榜年度推介20/21》記者會，保錡日前自罰停工所以冇出席，其餘三位成員阿Dee、肥仔及193在電話上展示保錡黑白照，象徵ERROR四位一體、保錡精神長存。三子否認保錡退團，表示他休息夠便會重新出發見觀眾，亦尊重其停工決定。阿Dee表示：「黑白相是代表舊的保錡已死，下次再見將會是新的保錡。」193則指保錡向團員瘋狂道歉：「保錡深感內疚㗎嘞，希望佢盡快唞夠復出，冇佢始終爭啲。」肥仔亦十分認同：「冇咗保錡，節目始終少咗瘋狂搞笑嘅感覺。」