拍拖遇著恐怖情人，真會令人不知道如何是好。近日一名女網民指自己連續5個月不斷受一個奇怪的男性於網上騷擾，最後竟發現原來事件是男友自編自導自演，令她非常崩潰，但又不敢說分手及不知如何避開他。

該名女網民於Dcard討論區上以「男朋友好XX恐怖痴X線」為題出帖，她指自己與男友拍了一年半拖左右，一直都非常甜蜜，一直沒有太大的爭吵，「佢係嗰種為愛咩都奉獻晒嘅人，只要我一叫到佢幾夜都會出嚟，返工啲錢用晒係我度，從來唔會大聲同我講野，唔會發我脾氣」。

5個月前，女網民開始受到一個陌生人用Instagram騷擾，「嗰個人開咗好多帳號講嘢騷擾我，例如話你今日好靚啊，你今日着得好好睇，佢又講得出我啲個人資料」，網民亦有將事件告知男友，更要「男朋友接收工送埋我上屋企」，她指當時男朋友一直有安慰她，有段時間更幫她管理Instagram的帳戶。最後更因此住進男友家開始同居。

早幾日，網民因為無聊而打開男友的Instagram時，意外發現男友就是一直跟蹤及騷擾自己的人，「我好認得個名㩒入去全部都係一樣嘅對話，我即時標晒冷汗」。

「原來係我男朋友自編自導自演」，網民知道後「強忍住扮無野話有事要返屋企走先」，後來她坦白問男友有關此事，其男友竟指「當初無聊玩下，點知我太細膽嚇到咁，所以唔敢講真相出嚟」。

男友後來更指當初打算試探她，因網民因事件對他更依賴，令他很有安全感，才一直這樣做。

網民大呻「無諗過佢會係恐怖情人，提分手真係有啲難，如果佢係，基本上我所有野佢都知道」，現時不知如何是好才上網求助。

帖子引起網民熱議，不少人囑樓主要小心，「呢個已經去到恐怖情人嘅階段，樓主要小心啲，真係，就算要分手都諗清楚點樣做」、「恐怖...建議分手同轉電話號碼」、「要好好咁處理 隨時好似陳同佳咁，得唔到咪殺」及「建議樓主搵多啲人幫手」。

但亦有人認為「佢又唔係出軌，可能係貪玩啫，同埋佢本身對你好喎，你要同叫佢唔好再咁做，佢肯就原諒人啦」。