27歲嘅顏卓靈(Cherry)之前忙宣傳《狂舞派3》，電影累積票房超過538萬港元，成績都唔錯，當然未睇就支持吓，話晒港產片。講返女主角Cherry，雖然冇得出國旅行，但佢都有辦法令到自己好似去咗旅行咁，就係去滑雪嘞，其實香港仲有兩間室內滑雪訓練學校，估計佢應該係去呢啲地方滑雪啦，重點係佢滑雪受傷，仲撞花咗眼角，搞到紅咗一撻，遠望似化妝，當事人可能覺得好得意，自拍傷勢，仲話自己似鍾無艷，真吹脹，而佢嘅Hashtag都好勵志吓，仲講得好啱。


#不跌倒怎麼懂爬起來
#就算有疤
#依然可愛
#你們不愛
#我也自愛


圈中朋友王敏奕就留言叫佢帶頭盔，陳凱詠就想讚佢個妝幾有型，而唔少網友仲讚佢靚咗添，Well。