文念中執導許鞍華為主角的紀錄片《好好拍電影》，坦承片中有不少感動位令他喊住去剪片。
提到電影最有趣內容，文念中認為是Ann接地氣一面，「佢會考慮整容整啲咩，又話想搵教練練番啲線條，但轉頭走去食菠蘿包。」
（2）文念中和Ann先後合作過4部電影，包括02年《男人四十》、11年《桃姐》、16年《明月幾時有》，以及14年相中這部《黃金時代》。
文念中形容愛坐公共交通工具的Ann，好接近生活，「佢係我哋身邊出現嘅人物，呢套戲可以當係香港普通嘅勵志故事，唔係大導演嘅成長故仔。」
文念中透露Ann有睇初剪，「佢最擔心講錯嘢，唔想得罪人，同埋唔想拍得佢媽咪太難睇。」
張艾嘉等電影人接受訪談時，表現出好愛錫Ann。
電影首映禮，林家棟都有支持，但文念中謂Ann原來還未看電影完整版，「佢怕出嚟好多人問佢，話上映時會一個人靜靜雞去睇。」
