ERROR推出新歌《I Promise》。
四子不斷笑着重複點頭動作，令他們笑到牙骹軟。
193笑言：「個MV真係好似邪教，全日都係咁笑同點頭。」
此歌保錡停工前最後MV。
肥仔則表示今次MV是「萬能Key」，跟任何一首歌曲都可以配對。
阿Dee爆193是真正「貓奴」。
原來193非常驚貓，「如果今個MV用真貓，我會唔拍，好彩係假貓。」
Previous Next
男團ERROR推出新歌《I Promise》，以寵物為題，帶出不要棄養寵物的訊息。日前ERROR四子肥仔（梁業）、阿Dee（何啟華）、193（郭嘉駿）及保錡（吳保錡）齊為歌曲拍MV，更「落區」到鬧巿取景，今次亦是保錡宣佈停工前拍的最後一個MV。

MV中ERROR展現一貫輕鬆惹笑本色，跟多隻「人形貓」拍攝，四子更不斷笑着重複點頭動作，難怪他們表示今次名副其實笑到牙骹軟，193笑言：「個MV真係好似邪教，全日都係咁笑同點頭。」肥仔則表示今次MV是「萬能Key」，跟任何一首歌曲都可以配對，還透露難忘事，「今次我哋仲去咗啲熱鬧嘅地方拍攝，感覺都幾尷尬，因為好多人圍觀，幾大壓力。」至於四子之中有否「貓奴」？阿Dee爆：「一定係193，當佢俾一大堆貓圍住時，佢會變成貓奴，郁都唔敢郁同埋瘋狂咁尖叫！」原來193非常驚貓，他坦言：「如果今個MV用真貓，我會唔拍，好彩係假貓。」