任達華及任賢齊今日出席新片《邊緣行者》開鏡，談到華哥連接3部戲成為「疫巿奇葩」，他笑言：「從小喺片場食叉燒飯大，最緊要日日有飯盒及燒豬食！」他又指片中不乏動作戲，更會走訪香港不同隱世景點，十足旅遊片。今次全男班合作，加上小齊、譚耀文、陳國坤及林曉峰等人均識玩音樂，華哥希望拍完後可組樂隊：「我係樂壇新人，但都可以唱歌跳舞㗎！組合名未諗好，但MV已諗好點拍，哈哈！」