網民在網上討論區「親子王國」發文求助，指家門不幸，有個「人渣親戚」借完又借，之前已經幫了還幾次債，近期又借了20多間財務公司債務及高利貸，亂填諮詢人還潛逃，「成家日日收電話同WhatsApp、短訊追數，前幾日屋企仲俾人淋紅油」，面對追債滋擾網民每日心驚膽跳。

家住公屋網民解釋，財務公司無簽名、無確認，「個衰人淨係報我哋個名同電話，個啲財仔就借俾佢，真係好陰公」。之前屋企人想欠債親戚重新開始所以一家人才幫手，「點知佢一錯再錯，我父母又驚但又唔想離開間屋，咁先煩上加煩，我都好想搬，宜家裝定CCTV」

她又悲嘆，「已報警但好似都幫唔到手，啲收數係咁叫我哋幫債仔還，唔還就話要搞我地。有大又有細，好痛苦，日日擔驚受怕。」她指，諮詢人雖然無法律責任，「但個啲財仔都唔知係第幾缐，佢哋都唔理，一句話搵唔到佢就搵你哋，成家被害得好慘。」

她形容，「每日喊，我又成日食唔到嘢，個胃又頂住。報咗警，搵房署搵社工搵區議員，明白不是一時三刻可解決既問題，但我哋發生事...現在都無人覆，好無助」。