是非不絕的江嘉敏，與馮盈盈的「破冰」合照被網民質疑二人各自為自己P圖後，又被網民在討論區指「江嘉敏媽咪」的社交帳戶罵人：「瘋狗症加肺炎，係唔係行錯地方講錯嘢？」再被網民圍插「有其母必有其女」！
在「破冰」合照中，江嘉敏也曾回覆「江母」留言，互動頻繁，但該留言於今日已刪除。江嘉敏事後否認罵人帳戶是媽咪，直斥有人存心抹黑，更在限時動態說：「我唔理妳喺我背後講乜又好做乜都好，我理得你又利用我玩我屈我暗串（寸）我耍盡機心。我講多一次，你搞我就搞我！你唔好搞我屋企人，明唔明？」觀乎她第一個「妳」字，似暗示抹黑者正是女生，雖然未知是否又暗寸馮盈盈，但江嘉敏已極速「彈弓手」刪除該動態，滿地花生！