相信不少人都試過上車後才發現忘記帶銀包，獲好心人借錢的經歷。近日有一名網民指，自己早前獲一名巴士司機代付車資，昨日再遇上該名司機時打算還錢，但卻遭到該名司機拒絕，令她感覺不太舒服。

該名網民於Dcard討論區上以「有冇人試過還車錢比司機？」為題出帖，表示「之前搭巴士上咗車先發覺冇錢，個司機好好人咁幫我畀咗」。到昨日「撞返同一個司機」，於是打算在下車前還錢，但該名司機竟然很嫌棄地表示「算吧啦，快啲走啦」。

網民委屈地指，「雖然只係幾蚊，但係嗰刻個心有啲唔舒服，覺得自己真係多餘同太敏感」。

事件引來網民熱議，有網民安慰樓主，「司機份人工係fixed，唔會因為今日多人搭/少人搭而有唔同，所以佢畀你免費搭一次，佢唔會有關係。反而你俾返錢佢，畀啲唔知既人見到，可能會影響到佢份工，正常都唔會收返。」

亦有人指，「個幾雞野唔值得惹不必要既麻煩」，有人則提議樓主「可以記低佢員工編號/名，寫信比公司讚佢。」