張敬軒為音樂節目《Chill Club》進行錄影，亦是軒仔首次踏足ViuTV。他稱早前因巡唱未有機會參與，大讚樂隊有Joey Tang及黃丹儀在席是紅館級數，同時幕後工作人員亦熟口熟面。

對能夠一人包辦整個節目，地位超然，軒仔笑說：「我唔識答，我係覺得好榮幸，睇呢個節目就多，第一次嚟感覺好新鮮，好有新人嘅感覺。」就日前TVB《勁歌金曲》節目同樣為他獨立進行錄影，很有競爭感覺。他說：「唔係，依家電視台都注重音樂。樂壇需要我哋一班歌手，大家放底一啲嘢，再做好佢。」

問到兩台的音樂節目有何不同？軒仔說：「風格唔一樣，但精神係一樣。」大讚音響配置非常高質數，跟他入行時大有不同。至於可會現身ViuTV即將舉行的音樂頒獎禮？他說：「我無歌上榜，今日先派新歌。睇公司安排，但我都想積極出席同樂壇有關嘅活動。」