近日「Ursus Fitness」健身群組大爆發牽連多幢半山豪宅納入強檢，薛家燕所居住的大廈亦有人「中招」，需要接受檢測。家燕姐回應指居住的大廈昨日獲衛生局通知有人受感染，說：「我哋聽見話大廈住戶要強行檢測都好擔心，當然即刻問新抱（懷孕中）有冇外出或在家？我哋亦即刻趕返去屋企。後來收到通告叫我哋做檢測，即刻去醫管局轄下的診所拎檢測包去做測試，應該明日或後日會知道結果。」

現正自我家居隔離的家燕姐，被問到可會影響工作？她表示下星期二（16日）要為TVB節目《流行經典50年》錄影，但要看檢測結果。她說：「應該無事嘅！So Far都好正常，當然為安全起見，全幢大廈嘅人都要檢測，新抱就不會出街啦！成個大廈已經即刻通知清潔人員嚟消毒，感染嘅人已送到隔離中心接受隔離，但睇個名單都有十幾廿幢大廈都有人感染先大件事，希望疫情快些過去啦！最緊要大家出街時記得戴口罩，我哋好緊張全部無去街，好彩之前TVB送個冰箱畀我，所以保持有糧食喺冰格入面，屋企足夠食物，所以唔會外出。」