193向肥仔挑機跳舞， Anson Lo就喺愛犬面前晒舞技。
肥仔表示自己求其跳兩嘢，不過都好落力吓。
193完美演繹東施效顰，不過都好可愛。
肥仔先以蠍子舞畀193一個下馬威。
肥仔再以彈地絕招， 晒腩肉KO對方。
肥仔及193演出好完美。
Anson Lo以熱舞吸引愛犬Amber注意。
Anson Lo突然扮唔舒服倒地。
見到主人「暈咗」，Amber竟然跑走！
Previous Next
ERROR成員肥仔（梁業）出名跳舞實力好強，但竟然被隊友193（郭嘉駿）挑機！肥仔昨晚於IG上載一條影片，並留言表示：「193無啦啦話要同我鬥舞，笑到我！無謂（令佢）出醜，我求其跳兩嘢算！」他相當「禮貌」咁即場跳咗幾吓應戰，不過輪到193跳舞時即刻變到好搞笑，手長腳長嘅193明顯動作好笨拙，最後肥仔使出「彈地」絕招，瞓身喺地下彈彈吓嘅佢仲露出大嚿肉，咁賣力梗係秒殺193啦！一班網民紛紛留言大讚肥仔：「機已屈」、「好靈活」等，雖然193繼續被人笑：「小心wave到斷手」、「形體大師193」，但都有粉絲讚佢舞功有進步：「點解193協調咗咁多」、「進步神速」、「33終於唔係一跳舞就頭部以下癱瘓嘅男人，感動」。