傳Alfred工作態度囂張不受控，唱片公司頂佢唔順。
許廷鏗日前配合白色情人節，po咗張笑晒口嘅相喺社交網站，睇唔出佢為被雪而煩惱。
今年初成功奪得「叱咤男歌手」金獎，歌唱事業走上高峰。
華納唱片官方網，為旗下歌手喺《CHILL CLUB推介榜年度推介20/21》拉票，竟然喺男歌手一項冇咗Alfred。
當日記者會中，Alfred與華納歌手零交流。
Alfred自我「割席」，CHILL CLUB記者會上只係同寰亞歌手老友鄭欣宜拍住上一齊做受訪。
許廷鏗當日喺星夢唱片時都係反面收場。
華納唱片歌手本身好和諧。
Previous Next
2017年許廷鏗（Alfred）同星夢唱片因錢銀反目，轉投華納唱片做一哥，今年初成功奪得「叱咤男歌手」金獎，歌唱事業走上高峰。近日有消息傳Alfred因財失義再與華納反目，有指自從Alfred成為「叱咤」男歌手金獎後不受控制，工作態度變差，更因歌曲問題跟藝人與製作部門不和，導致公司不滿，而死罪更加係私下接job。

 

然而事件也算是有蹟可尋，Alfred嘅個人社交平台上，工作聯絡一欄由華納唱片轉為自己嘅私人電郵。相對地，華納近日喺公司開設嘅社交平台，為旗下有份參與《CHILL CLUB推介榜年度推介20/21》嘅歌手拉票，竟然喺男歌手一項冇咗Alfred，對他隻字不提，如同被消失了一樣。

 

據知，華納上月召集旗下歌手返公司影官方大合照時，Alfred冇咗影，本月初出席ViuTV樂壇頒獎禮記者會上，Alfred自我「割席」，與華納歌手分開坐，彼此零交流，只係同寰亞歌手老友鄭欣宜拍住上一齊做受訪。本報記者向華納唱片公司查詢事件，華納發言人冇否定傳聞，只回應Alfred事件：「暫時未有回應。」