周潤發平易近人又親切，經常被行山友野生捕獲，無論圈內外、男女老幼，都想跟發哥自拍打卡。
今次終於輪到洪永城（Tony），他興奮在社交網貼上合照，留言：「其實野生捕獲咗咁多年，今日終於到我喇，仲要打孖嚟㖭。」除發哥外，還有黃日華。
Tony續謂：「原來當一個巨星同前輩主動同你講影張相吖，世界係會停幾秒，之後你再睇睇前面，係周潤發同黃日華呀，唔好失禮人呀，笑呀 #發哥仲記得我喺紐西蘭讀書 #仲問我嗰度係咪仲係好多羊 #華哥永遠都係咁溫暖真誠 #永遠最好的喬峰天龍八部 #仲請我坐低食碗糖水 #邊飲邊手震」。
湯洛雯留言直指Tony「曬命！」；黃翠如狂打心心眼；林奕匡驚呆；楊潮凱「做咩唔叫我？」等，連同網民均羨慕不已。