受到疫情的影響，不少市民都選擇用「Staycation」來舒緩無法去旅行的憂鬱心情。近日就有港男於討論區上訴苦指女友「Staycation」上癮，每星期都要求去酒店住，有時更花費數千元升級海景房，體驗五星級的服務，令他不勝負荷，於網上無奈表示，「呢啲所謂Staycation真係害人不淺」！

有港男於「香港討論區」發文表示，與女友已是半同居狀態，惟近年因疫情的緣故而無法出外旅遊。因最近 「Staycation」的興起，去年該港男亦安排了一個「Staycation」予女友慶祝生日。惟女友住酒店住上癮，每星期都要求住酒店，有時更花費數千元升級海景房或食自助餐，「普普通通Package都唔算話好貴，但佢好似貪得無厭咁，一時又話要加個Buffer dinner，去到Check In又冇啦啦要升級個套房/海景房，講緊唔喺一百幾十，喺幾舊至過千」。最近女友更要求訂五星級酒店，稱想體驗五星級服務，面對每星期數千元的支出，令港男亦大感無奈。

該港男亦曾向女友提出一個月只可以去兩次Staycation的建議，但女友卻直接回絕並質疑，「佢就話我係咪嫌佢煩嫌貴，佢話佢自己約其他朋友去Staycation囉，佢自己出返錢」，他最後亦直斥，「呢啲所謂Staycation真喺害人不淺」，「訂一晚豪少少既Package分分鐘夠你飛轉台灣五日四夜, 根本就係呃錢」！

帖文亦隨即引起不少網民的回應，有網民就直指問題在於樓主過於縱容女友，沒有認真討論問題所在。亦有網民表示其實女友並非真心喜歡，只是當他作提款機，建議應直接分手，「喺女人都想男友儲錢結婚。 一個月瞓一晚酒店無問題呀，但你女友擺明唔幫你慳錢仲狂洗，身為男人，你明啦」！

資料來源:香港討論區