本周一係陳靜(DaDa)的32歲生日，因為P圖P到俾網友恥笑嘅壽星女連日都有朋友同佢慶祝，慶生相離唔開同朋友扮錫錫、蛋糕前許願及吹蠟燭，但DaDa今次就特別啲，特別在佢有一個好老闆，百忙中抽空請食飯仲送埋蛋糕，呢個老闆咪古天樂囉。



古老闆搭住着白色透視衫嘅DaDa膊頭喺蛋糕前影合照，壽星女好識做，貼相到IG再留多句，「Thank you Mr boss」，可能因為係合照，DaDa今次隻手冇P圖，長度好正常，咁咪好囉。