案件今在高等法院續審，繼母繼續作供。
控方引用其Wechat對話紀錄盤問繼母時，繼母承認有打致女童Z嘴唇大量出血，解釋因當時Z嘴唇乾燥，容易裂開引致，又指Z會「搣」唇上乾燥皮屑。控方又引述對話紀錄指繼母曾言「嘴流晒血費事再打，打腳底」，繼母再承認曾用拖鞋打Z臉及嘴，但沒有打其眼角，解釋如果Z曳就會懲罰，但「唔係次次打」。被問到是否有時會打到Z跌倒，繼母解釋「好多時（Z）掂一掂就跌低，哥哥掂都會」。繼母否認不喜歡或憎恨Z，解釋用粗俗字眼形容Z因「自己讀得書少，身邊朋友同事都係咁粗口爛舌」，但僅用以表達情感，沒有用類似字眼形容親女Y「因為乖」。
控方再引述對話紀錄指繼母曾多次言「想佢哋死」或「想殺咗佢哋」，繼母辯解僅表達情感，非實際行動，舉例指繼女Z及繼子X玩耍期間曾於商店推倒所有貨物，故與友人言「同佢哋出街影衰晒」。繼母反駁控方指自己看見Z傷口時感到內疚，Wechat對話亦曾提到，進而再解釋「唔錫佢哋生日就唔會整咁多嘢畀佢哋，準備埋新年新衫新褲，準備埋上小學要用嘅嘢」。繼母再解釋除怕被發現虐兒後被拘捕故使Z幼稚園退學外，亦因Z「連數字都掉轉來寫」，但「學校老師都話佢冇問題」，「驚佢讀小學會追唔上」。
繼母承認未曾帶X和Z就醫因懼怕被人發現虐兒後被拘捕，但同時亦因自以為可以處理。繼母又承認自己與丈夫自私，但並非不關心X和Z傷勢，有「盡量做到自己做到嘅」，控方馬上質疑任何正常人都知X和Z傷勢需留醫治療，繼母解釋「以為慢慢搽藥膏會好返」。其代表律師覆問時引述其對話紀錄「傷口呢家嘢由細玩到大，冇嘢嘅，搽下藥膏等佢慢慢消炎慢慢好返」，繼母再補充自己「細個成日跌親整損自己，又會幫做完手術嘅媽咪洗傷口，以為自己搞得掂」。基於Z膝後傷口潰瘍不便於行，繼母當時又打算托好友繼續到其家中照顧Z多1個月，「以為佢一星期會行到，個零2個月就可以好返」。
在控方質疑其精神病史下，繼母自白指案發後依律師建議接受精神科醫生診斷後，方發現自己罹患抑鬱症，案發前自己「有諗過自殺，有諗過燒炭、𠝹手，坐喺到望住天花板諗過吊頸，但係搵唔到點吊」，但自己從未付諸實行，因「放唔低媽同個女」。控方最後引述對話紀錄指X父親曾深夜打X295下，繼母解釋一般丈夫「教仔會行開」，當日曾聽到數十下擊打聲，X大叫大喊，繼母遂做表情暗示丈夫停止，又因「（男人）打實大力啲」，於是自己上前「㩒低X係咁意（用藤條）『fit fit fit』」，聽到丈夫稱295下遂引其言。
受害人的父親（29歲)、繼母（30歲）同被控1項謀殺罪，指他們於2018年1月6日謀殺女童Z。受害人的繼外婆（56歲）則被控4項殘酷對待兒童罪，指她在2017年8月10日至2018年1月6日，故意虐待和忽略男童X和女童Z。
法庭記者：陳子豪
