即將於5月舉行演唱會的人氣男團MIRROR，推出本年度首支跳唱團歌《WARRIOR》，顧名思義，歌曲講述一班勇士面對重重難關，依然想盡辦法努力克服。日前MIRROR成員齊齊以武士造型上陣為新歌拍攝MV，雖然又跳又唱拍足23小時，但12位成員愈跳愈起勁，表現專業，永不言倦。

相隔逾半年，MIRROR再次推出跳唱快歌，今次舞步編排上可謂向高難度挑戰，舞蹈更細膩、更密集、更具節奏感。隊長Lokman（楊樂文）表示：「其實今次歌曲籌備了一段時間，編舞上係密集咗少少，而且大家成員都有不同工作在身，都比較忙，所以濃縮咗啲時間，喺兩星期內進行相當密集式嘅訓練。今次首歌嘅舞步，肥仔（梁業）都有份編排，肥仔出名要求高，我哋個個都跳到大汗疊細汗，都有同肥仔及排舞導師傾點樣令首歌嘅舞跳得更好，相信今次出嚟效果會好浩蕩。」