廖啟智活躍幕前多年，第8屆藝員訓練班出身的他在娘家TVB拍下無數作品，而他在TVB的告別作是16年的《律政強人》，劇中與方中信大鬥演技。


何廣沛同樣是藝員訓練班出身，稱得上是智叔的「小師弟」，他在《律》中更與智叔有對手戲，收到對方離世消息，他即在社交網更新動態「rip」，隨後又寫下長文悼念智叔，廣沛留言：「真心唔知應該講咩好，演藝圈又少咗一個渾身是戲嘅前輩；作為後輩，當年嘅我，好鍾意係無我嘅場口都唔休息去睇KC同師父嘅每一場對決；作為後輩，那怕只係旁邊觀察，我都覺得每一刻都係獲益良多；作為後輩，可以同你同場演繹，完全感覺到你嘅氣場，對角色嘅投入，每一字一句都有該有的變化，令我呢個後輩更容易入戲；作為後輩，多麼希望能再有跟你合作的可能性，還記得影呢張相當日我問過你『智叔呀，你幾時再番嚟拍劇呀？我真係好想再同你同一套劇，畀機會我再係你身上偷師』呢一切，都係我呢個後輩多麼奢侈的要求⋯⋯最後，作為後輩，多謝你當年跟我的一場戲，嗰一幕，永遠都係我腦海中，記憶猶新，你永遠係我最尊重嘅KC。」