前線員工不時需面對無理取鬧顧客，近日有一名任職餐廳的網民於討論區上吐苦水指，工作時遇上一對野蠻情侶，稱用餐後遺留牙套並於餐廳內大吵大鬧，有店員幫他們於垃圾桶找回牙套，他們不但沒有感謝更斥罵店員，其態度更令該名網民大感不快，狠批「蠻不講理」。

一名男網民於「連登討論區」上發文表示，日前一對情侶於其任職餐廳光顧時，該名女子在用餐期間將箍牙牙套除下，用紙巾包好放在桌上，惟離開時忘記帶走遺留於桌上，結果被職員當作抹嘴紙巾扔掉。

在該網民臨收工之時，該對情侶突然衝進餐廳並破口大罵，「你知唔知你哋啱啱掉垃圾將我個牙套掉咗呀？」，有兩位在場職員聞言亦立即翻垃圾桶，惟該名女子態度仍然極差，要求餐廳職員一定要找到牙套，「我唔理呀，我今日一定要搵得返，你知啦，箍牙呢啲嘢」。

最後幾經辛苦，兩位職員終於在垃圾桶內找到了牙套，作了簡單清潔後交還予該名女子並籲回家後需再清潔，惟竟遭到對方白眼，指「洗咩呀？都唔會再戴架啦!」，令男網民亦大感不快，「咁你又要我哋搵?自己唔小心整唔見幫你搵返仲要咁差態度？」。

其後同事亦提醒對方「記得下次執齊嘢」，該對情侶聞言後，竟反罵「呢句嘢意思係咪啫係話係我哋責任」，「唔通你見到有人用紙巾包住個口罩，你又丟咗佢？」兩人的責罵的內容令男網民心感無奈，「乜邏輯嚟，點知你係咪播毒者，梗係拿拿淋掉咗佢啦」。

男網民又批評該港女態度惡劣，同事們辛苦幫她找回牙套卻不懂感恩，反遭責罵，令他不禁怒斥，「自己唔小心整唔見，幫你搵番仲要咁差態度？保護自己貴重物品梗係你責任啦大小姐！我都好後悔搵番畀佢。」男網民又強調非針對所有港女，惟該名女子似乎被男朋友「縱壞」，更形容「咁蠻不講理都頂得順」。

帖文引起不少網民討論，有網民表示感同身受，在服務行業上亦經常遇到「麻煩客」，「香港其實有好多呢啲人，唔係淨係女人， 男人都有唔少，都係無理取鬧，以為世界圍住佢轉」，亦有人斥該對情侶蠻不講理，保管財物應屬自己的責任。