今日，由余安安、羅敏莊和陳凱琳擔任主持的TVB全新節目《日日媽媽聲》進行錄影，邀請了袁詠儀（靚靚）、鄧兆尊（兆尊）及張慧儀等擔任首集嘉賓，為隆重其事，TVB首席創意官王祖藍亦到場支持。


袁詠儀稱自拍完草蜢主持的《華麗明星賽》後，已有十年冇去過TVB錄影廠，即被傳媒指她只顧返內地賺錢？靚靚說：「唔關事，主要係冇項目特別吸引我，但今次呢個節目好好。」她透露這次是由曾志偉落命令王祖藍負責邀請她，而她跟羅敏莊好耐冇見，又想見吓師妹陳凱琳便速成這次合作。