小童衝上樓梯女乘客拒讓路斥「冇家教」。資料圖片
港媽於「生仔要考牌系列」分享，描述當日情景，上車時她面前有兩個女乘客，其中乘客一號為 「嘟唔到八達通，俾巴士司機叫住」；乘客二號是「嘟完八達通，企咗喺度，手握扶手」，她當時站在港媽前面。不料小朋友突然衝向樓梯，跑到上層找位置，排在最後的港媽心急如焚，擔心小朋友在上樓途中會有危險。港媽遂向乘客二號表示「唔該借借」，冀她能讓路以追上小朋友，惟遭到拒絕，指她亦要向前行，並直斥「有小朋友又點呀？咁心急，冇家教！」
其後，該名乘客仍然堅拒讓路，夾在港媽及小朋友之間上樓梯，但當時巴士正行駛，令港媽感到萬分焦急及不滿指，小朋友年紀尚幼，未曾考慮媽媽無法跟上他的腳步，故她遂向該乘客說，「小朋友見到有得行緊係行啦！」，而該乘客亦不斷責罵「冇家教」作回應！
港媽在帖文解釋，小朋友的行為，有否家教的事，應由作為媽媽教導並直斥，「唔輪到你呢個幾十歲人，仲剩係驚死冇位坐，又霸住條路嘅人嚟教」。港媽在最後強調應確保小朋友於安全的位置才給予教導，而非一句「冇家教！」就可以解決所有問題，甚至暗示該名女乘客疑因擔心沒有空位坐而拒絕讓路，「唔係你講句『冇家教！』你就有位坐㗎。」
帖文引起不少網民的熱論，不少的網民反斥港媽的行為不妥，指作為母親拖實小朋友為應有責任，不應放任他到處跑，「人哋真係無話錯你，唔拖住個仔上車，又俾個仔一支箭越過前面果兩個人標上上層，四歲啦，要排隊上車都唔識？」，「下次拖返實自己既細路，排返好隊，咪唔洗比人話你冇家教囉」、「4歲小朋友上車嗰下無拖住家長嘅咩？自己無顧好小朋友仲話人」，更有人批「唔只小朋友無家教，個媽媽都冇」。
資料來源：生仔要考牌系列
