公園遊樂場本應是孩子玩耍的地方，但有女網民就指，近日竟有人霸佔遊樂設施開餐之餘，更在該處「煲煙」及飲酒，直斥是兩人的行為相當缺德！

有港媽在社交媒體Facebook群組「柴灣人柴灣事」上載圖片，指日前帶同女兒到小西灣海濱花園玩耍，竟發現有一對年輕男女霸佔遊樂設施，並脫下口罩進食，令她感到非常憤怒，認為兩人行為「無品」。

另外，港媽指出，有其他人在供小孩玩的地方「煲煙」及飲酒，有啤酒罐被棄置在遊樂設施內，令環境十分惡劣及骯髒。她又表示，女兒在遊樂場玩耍時不慎跌倒，竟弄得滿手煙灰。

不少網民看完帖文後，都批評有關人士的行為不要得，「正XX，將小朋友嘅遊樂場變成佢哋嘅酒竇」、「找保安，請佢清理好才離開」。不過亦有網民見怪不怪，「試過有一對男女，喺滑梯上面個轉彎位兩個摸嚟摸去，小朋友又係隔離走嚟走去」、「其實有時我帶個女去公園玩都係咁，成班小朋友跑嚟跑去，但中間某啲位硬係坐咗一班大哥哥大姐姐，喺度吹水講粗口，見到咁我就會帶我個女去第二度玩」。

資料來源：「柴灣人柴灣事」Facebook